مقارنة بين الشاب والبنت(تحشيش للسطح)ححح

هلو حشاشه وحشاشات جبتلكم مقارنه بين الشباب والبنات بمواقف متنوعه أنشاء الله تعجبكم

الحاله الاولى
بالنسبه للبنيه أذا فات من يمهه شاب هيه معجبه بيه تباوع عليه بربع نظره
حتى محد يدري ومحد يشوفهه


بالنسبه للشباب الطيبين أذا فاتت من يمه وحد مو شرط معجب بيهه يفر راسه 360 درجه مثل الصقر بحيث كل الكاعدين ينتبهون






الحاله الثانيه
أذا لكينه بزونه بالبيت بالنسبه للبنيه تقترب منه بهدوء وتمسكه برفق و تشربه حليب و توصله للباب و تغنيله أغنيه أسفه مال أصاله و كل هذا لأن الوالد نايم وميحب يسمع صوت بنومته وراهه تروح البنيه تنام وتبجي مقهوره عالبزونه منين ياكل و وين ينام


بالنسبه للشاب ميصدك روحه أذا شاف البزونه بالبيت رأسا يتخيل روحه بيكهام يسلكه بضربه حره يعبره عالفرع ألي كدامهم وهو بالهوه يكله (روح يا أبن ............)
متلكه البزونه غير بالحاويه


الحاله الثالثه
حين نجد صرصر بالنسبه للبنت تصرخ بصوت تكول ما شاء الله سيمفونيه بيتهوفن وره ما تستجمع شجاعتهه تروح تجيب المبيد وتكله أله أموتك والصرصر يضحك عله خفه الدم لحد ما يجي أبوهه ويلزكه بشحاطه 45 تنقله لعالم الارواح



بالنسبه للشاب أذا لكه صرصر رأسا يصير عنده جنون العظمه ينكلب هتلر يضحك ضحكه تطلع بيهه كل أسنانه وراههه يبدي بعمليه التعذيب
يشلع الرجل الاولى ويسأله بابا فين
يشلع الثانيه و يسأله ماما فين
يشلع الثالثه و يسأله بيتكم وين
لحد ما يخلصن رجليه ويعوفه عايش حتى يكون عبره لكل صرصر




الحاله الرابعه
العركه ... أذا تعركن بنات أثنين لا سامح ألله كل أي تسمعه
ألزمي حدودج
لا أنتي ألزمي حدودج
و أذا كلش العركه قويه يجوز تكول (غبيه) وهذا أكبر شي

بالنسبه للشباب أذا تعاركو عينك متشوف الحزام طلع والبوكسات أشتغلت وكل واحد جاب جماعته و صارت حرب مو عركه

أنشاء الله عجبتكم